*डिकसळ पाटी जवळ झालेल्या जबरी चोरीतील मालासह दोन आरोपी स्थानिक गुन्हे शाखेच्या ताब्यात*
*धाराशिव स्थानिक गुन्हे शाखेच्या पथकाने केली कारवाई*
धाराशिव /प्रतिनिधी
कळंब तालुक्यातील डिकसळ पाटी जवळ झालेल्या जबरी चोरीतील आरोपी हा कळंब पारधी पिढी येथे असल्याचे गोपनीय माहितीच्या आधारे धाराशिव स्थानिक गुन्हे शाखेच्या पथकाने दोघांना ताब्यात घेऊन त्यांच्या कडून मुद्दे माल जप्त केले
विविध गुन्ह्यामध्ये हवे असलेल्या आरोपी चे माहिती घेऊन फरार आरोपींचे शोध घेऊन जिल्हृयातील गुन्हे उघडकीस आणण्याचा धडाका धाराशिव स्थानिक गुन्हे शाखेच्या पथकाने चालवले असून त्या अनुषंगाने धाराशिव स्थानिक गुन्हे शाखेचे पथकाला पोलीस ठाणे कळंब हद्दीत डिकसळ पाटी जवळ झालेल्या जबरी चोरीतील आरोपी हा कळंब पारधी पिढी येथे असल्याचे गोपनीय माहिती मिळाली यांची दखल घेत पथकाचे प्रमुख सहाय्यक पोलीस निरीक्षक सुदर्शन कासार यांनी पथकाला सोबत घेऊन बुधवार (दि.26.)रोजी कळंब येथील पारधी पिढी वर जाऊन
पथकाने लल्ल्या उर्फ अनिल बादल शिंदे, रा. मोहा पारधी पिढी कळंब व मिर्च्या उर्फ आकाश रवि काळे, रा. कळंब पारधी पिढी कळंब यांना ताब्यात घेवून त्यांच्या कडे चौकशी केली असता त्यांनी साधारण पंधरा दिवसापुर्वी डिकसळ पाटीजवळ एका पती पत्नीला आडवून त्यांचे सोन्याचे दागिने लुटले असल्याचे कबूल केले.त्यावरुन पोलीस ठाणे कळंब येथील गुन्हे अभिलेख तपासला असता सदर बाबत गुरनं104/2025 कलम 309 (4), 126(2), 3(5) भा.न्या.सं. 2023 अन्वये गुन्हा दाखल असल्याची माहिती प्राप्त झाली.त्यावरुन ताब्यात घेतलेल्या आरोपीकडे चोरी केलेल्या मुद्देमाला बाबत चौकशी केली असता त्यांनी चोरी केलेला मुद्देमाल त्यांचा साथीदार गंगाराम बापू पवार याची केज येथे राहणारी बहिन सोनाली काळे हिच्या मदतीने केज येथील एका सोनाराला विकला असल्याची माहिती दिली.पथकाला मिळालेल्या माहिती वरुन तात्काळ धाराशिव स्थानिक गुन्हे शाखेचे पोलिस निरीक्षक विनोद इज्जपवार यांना कळवून त्यांचे परवाणगीने तात्काळ केज येथे जावून चोरी केलेला मुद्देमाल 4.5 ग्रॅम वजनाचे सोन्याचे कर्नफुले, मंगळसुत्र, मणी, असे एकुण 27,000₹ किंमतीचा मुद्देमाल पंचनामा करुन जप्त करण्यात आला. नमुद आरोपींनी चौकशी दरम्यान त्यांनी पोलिस ठाणे युसुफवडगाव जि.बिड येथे अन्य एक जबरी चोरी केली असल्याची माहिती दिली. जप्त मुद्देमाल व ताब्यात घेतलेले दोन आरोपी पुढील कार्यवाहीस्तव कळंब पोलिसांच्या ताब्यात देण्यात आले आहे.
सदर कारवाई ही धाराशिव पोलीस अधीक्षक संजय जाधव व अप्पर पोलीस अधीक्षक श्रीमती. शफकत आमना. यांचे मार्गदर्शनाखाली धाराशिव स्थानिक गुन्हे शाखेचे पोलीस निरीक्षक विनोद इज्जपवार, सहाय्यक पोलीस निरीक्षक सुदर्शन कासार, सहाय्यक पोलीस उपनिरीक्षक वलीउल्ला काझी, पोहेका शौकत पठाण, प्रकाश औताडे, फरहान पठाण, जावेद काझी, चापोका- रत्नदीप डोंगरे यांच्या पथकाने केली आहे.