कळंब पोलिस ठाण्याचे पोलीस कर्मचारी चंद्रकांत पवार यांचा पुढाकार
चेक पोस्ट वर आषाढी एकादशी निमित्त पंढरपूर येथे जाणाऱ्या वारकऱ्यांना केळी चे वाटप
कळंब:-(प्रतिनिधी)
आषाढी एकादशी ला जाणाऱ्या वारकऱ्यांना कळंब कर अन्नदान करायचे, पण या वर्षी लॉक डाऊन मुळे वारी न झाल्याने अन्नदान करता आले नाही पण पोलिसांच्या खाखी वर्दी ने माणुसकी चे दर्शन घडवून येणाऱ्या..जाणाऱ्या प्रवाशांना पो.को. चंद्रकांत पवार यांनी वडील कै.किसनराव पवार यांच्या स्मरणार्थ माऊली माऊली म्हणत मास्क व केळीचे वाटप केले.
कळंब .. केज रोडवर पोलिस यांचे चेक पोस्ट आहे. या रस्त्यावरून प्रवाशांची मोठी ये..जा असते. प्रत्येक वर्षी दीडशे चे जवळ पास दिंड्या याच मार्गावरून जातात या वेळी सहर व ग्रामीण भागातील अन्नदाते मोठ्या प्रमाणावर अन्नदान करतात.या वेळी मात्र ते होऊ शकले नाही याची खंत सर्वानाच होती परंतु पोलिस चंद्रकांत पवार यांनी वडिलांच्या स्मरणार्थ या मार्गावरून जाणाऱ्या सर्वानाच केळी व मास्क चे वाटप करून , प्रवाशा मध्ये विठ्ठल पहिला. लॉक डाऊन जाहीर झाल्या पासून पोलिस यांची भीती सर्वानाच वाटत होती,काठी चा प्रसाद देणारे हात मात्र, माऊली माऊली म्हणून केळी वाटप करत होते. या वेळी पो.ना.खामकर पो. काॅ.जगताप,संजय काळे,आण्णा जगताप,सुगत वाघमारे,उपस्थित होते...