*अपघाताचा बनाव करून खुन लपविण्याचा आरोपींचा प्रयत्न फसला स्थानिक गुन्हे शाखेकडून २४ तासात सर्व आरोपी बीड जिल्हयातून ताब्यात.*
धाराशिव/ प्रतिनिधी
वाशी हद्दीतील घुलेचा मळा शिवारात सोलापूर बीड हायवेवर एक इसम मयत अवस्थेत पडला असल्याची माहिती प्राप्त झाली. त्यांनी तात्काळ घटनास्थळाला भेट दिली असता आजूबाजूची परिस्थिती पाहूल पोलीसांना घातपात झाला असल्याचा संशय आला.
रविवार (दि.०२)रोजी
धाराशिव स्थानिक गुन्हे शाखेचे सहाय्यक पोलीस निरीक्षक सुदर्शन कासार व पथक गस्तीवर असताना त्यांना पो स्टे वाशी हददीत घुलेचा मळा शिवारात सोलापूर बीड हायवेवर एक इसम मयत अवस्थेत पडला असल्याची माहिती प्राप्त झाली. त्यांनी तात्काळ घटनास्थळाला भेट दिली असता आजूबाजूची परिस्थिती पाहूल पोलीसांना घातपात झाला असल्याचा संशय आला. यातील मयत मुस्तकीन जब्बार शेख रा.साळेगाव ता. केज जि.बिड, ह.मु मोहा ता कळंब असल्याचे ओळख पटल्याने तात्काळ त्याचे नातेवाईकांकडे चौकशी केली असता त्यांचेकडून मयताची अकबर नावाचे इसमाबरोबर काही दिवसापुर्वी भांडण झाले असल्याचे समजले. प्राप्त माहितीवरून तात्काळ तपासाची सूत्रे हलविली असता संशयित म्हणून अकबर सरदार शेख, रा पिंपळनेर, ता. जि. बीड याचे नाव समोर आले. सदरबाबत पोस्टे वाशी येथे गुरनं ३९ / २५ क १०३ (१),३ (५) अन्वये गुन्हा दाखल करण्यात आला आहे.
धाराशिव पोलीस अधीक्षक संजय जाधव यांना सदर बाबत माहिती देवून त्यांचे आदेशान्वये स्थानिक गुन्हे शाखेचे सहाय्यक पोलीस निरीक्षक सुदर्शन कासार व पथक हे तात्काळ संशयित आरोपीचे शोधकामी रवाना झाले. मौजे पिंपळनेर, ता.जि बीड येथे जावून पथकाने संशयित इसमाची माहिती काढून त्याला शिताफिने ताब्यात घेवून त्याचेकडे गुन्हयाचे अनुशंगाने चौकशी केली असता त्याने त्याचा भाउ अमर शेख, वडील सरदार शेख आणि दाजी फारूख शेख सर्व रा. पिंपळनेर, ता.जि बीड यांचे मदतीने यातील मयत याचे त्यांचे बहिणीशी अनैतीक संबंध असल्याच्या कारणावरून वाशी शिवारात नेवून मारून टाकले असल्याचे सांगितले. त्यानंतर पथकाने तात्काळ नमुद ०४ आरोपी व त्यांनी गुन्हयात वापरलेले ०२ मोटार सायकल ताब्यात घेवून त्यांना पुढील कारवाईकामी पोस्टे वाशी येथे हजर केले आहे.
सदरची कार्यवाही ही धाराशिव पोलीस पोलीस अधीक्षक श्री. संजय जाधव अप्पर पोलीस अधीक्षक श्री. गौहर हसन यांच्या मार्गदर्शनाखाली धाराशिव स्थानिक गुन्हे शाखेचे सहाय्यक पोलीस निरीक्षक श्री. सुदर्शन कासार, सहाय्यक पोलीस उपनिरीक्षक वलीउल्ला काझी, पोलीस हवालदार शौकत पठाण, फहरान पठाण, जावेद काझी, चालक रत्नदिप डोंगरे, नितीन भोसले यांच्या पथकाने केली आहे.